მასწავლებელთა ონლაინ საზოგადოება (Future English Online Teacher Community) არის მასწავლებლების მიერ მართული  ახალი პროფესიული ხასიათის ონლაინ პლატფორმა. პლატფორმა ინგლისური ენის მასწავლებლებს სთავაზობს ონლიან ფორუმს, სადაც მათ აქვთ შესაძლებლობა ჩაერთონ საჭიროებებზე დაფუძნებულ დისკუსიებსა და ახალი იდეების გაზიარების პროცესში, გაუზიარონ ერთმანეთს ცოდნა და გამოცდილება, მოახდინონ რეფლექსია საკუთარ პედაგოგიურ პრაქტიკაზე და ამავდროულად,  მონაწილეობა მიიღონ  საკუთარი პედაგოგიური პრაქტიკის კვლევაში.

პლატფორმაზე დარეგისტრირების შემდეგ მასწავლებლებს შეუძლიათ ჩაერთონ ისეთ აქტივობებში, როგორებიცაა:

  • მოდერატორის მიერ წარმართული ფორუმები (ფორუმების სადისკუსიო თემები შეირჩევა პედაგოგების საჭიროებებისა და  პროგრამის ძირითადი თემებისა და საკითხების მიხედვით);
  • ინგლისური ენის სწავლების ადგილობრივი და საერთაშორისო ექსპერტების მიერ ჩატარებული ვებინარები (ბრიტანეთის საბჭოს ტრენერების, სპეციალურად მოწვეული ბრიტანელი და ადგილობრივი მომხსენებლების ხელმძღვანელობით);
  • პირდაპირ ონლაინ რეჟიმში მიმდინარე სესიები და დისკუსიები;
  • პირადი ელექტრონული პორტფოლიოების შექმნა;
  • პრაქტიკის სანდო და ეფექტური  კვლევა, რომელსაც განახორციელებს სპეციალურად შექმნილი ინტერაქტიული კურსის გავლის პარალელურად

მასწავლებლებს შეეძლებათ ერთმანეთთან თანამშრომლობა  სხვადასხვა დონეზე:

  • რეგულარულად ჩაერთვენიან უწყვეტი პროფესიონალური განვითარების აქტივობებში უფრო მცირერიცხოვან „ადგილობრივ ვირტუალურ ჯგუფებში“, რომლებიც შეიქმნება საქართველოს მუნიციპალიტეტებთან არსებული რესურს ცენტრების შესაბამისად
  • უფრო დიდ „საქართველოს ჯგუფში“ შეეძლებათ ფართო სპექტრის საჭიროებებზე მორგებული ფორუმებისა და ვებინარების მეშვეობით გამოცდილება გაუზიარონ პედაგოგებს სხვა მუნიციპალიტეტიდან, ქვეყნის მასშტაბით;
  • პლატფორმის „საერთაშორისო ინტერესთა ჯგუფებში“   დაუკავშირდებიან სხვა ქვეყნების მასწავლებლებს პლატფორმის რეგულარული ორკვირიანი ვებინარებისა და სპეციალური ინტერესთა ჯგუფების ფორუმების საშუალებით, სადაც პეგაგოგები გაერთიანდებიან საკუთარი ინტერესების სფეროების, გამოცდილების და საკლასო კონტექსტის მიხედვით.

პროექტი „მასწავლებელთა ონლაინ საზოგადოება - საქართველო“

საქართველოში Future English მასწავლებელთა ონლაინ საზოგადოების პლატფორმა შესაძლებლობას მისცემს ყველა ინგლისურის მასწავლებელს ჩაერთოს მრავალმნიშვნელოვან უწყვეტ პროფესიულ განვითარებაში მსგავსი პრაქტიკის პროფესიონალთა გაერთიანებების  მოდელის დახმარებით 18 თვის განმავლობაში. ეს პილოტი გახლავთ განათლებისა და მეცნიერების სამინისტროსთან და მასწავლებელთა პროფესიული განვითარების ეროვნულ ცენტრთან ახალი თანამშრომლობის ნაწილი, რომელიც საქართველოში განათლების სფეროში ქმნის ახალ შესაძლებლობებს მასწავლებელთა პროფესიული განვითარების მხრივ, ასევე დაეხმარება პარტნიორებს ინტეგრირება გაუკეთონ  მასწავლებელთა ონლაინ საზოგადოების პლატფორმის მოდელის წარმატებულ ელემენტებს და მახასიათებლებს "განათლების e-სახლის" ერთიანი ეროვნული პლატფორმის სტრუქტურაში, ყველა საგნობრივი პედაგოგისათვის.

პროექტის ძირითადი შედეგებია:

  • მასწავლებლები რეგულარულად მონაწილეობენ მსგავსი პრაქტიკის მქონე პროფესიონალთა გაერთიანებების მუშაობაში, საკუთარი პროფესიული განვითარების ხელშესაწყობად;
  • პედაგოგები ერთვებიან თვითგანვითარების პროცესში და თავად აკონტროლებენ საკუთარ უწყვეტ პროფესიულ განვითარებას;
  • მასწავლებელთა ონლაინ  საზოგადოების საქმიანობაში ჩართულობა უზრუნველყოფს სკოლის ბაზაზე პროფესიული განვითარების ვალდებულების ხელშეწყობას, რაც განაპირობებს მათ კარიერულ წინსვლას და დაეხმარება საკუთარი პროფესიული განვითარების სტატუსის ამაღლების პროცესში;
  • იქმნება და ვითარდება ფასილიტატორი მასწავლებლების გუნდი ქვეყნის მასშტაბით. მათ განსაკუთრებული როლი ენიჭებათ ადგილობრივი ონლაინ მსგავსი პრაქტიკის მქონე პროფესიონალთა  საზოგადოებების შექმნის პროცესში.

პროექტის მონაწილეთა აქტიური ჩართულობის შედეგად განათლებისა და მეცნიერების სამინისტრო და მასწავლებელთა პროფესიული განვითარების ეროვნული ცენტრი უზრუნველყოფს მასწავლებლებისა და ფასილიტატორების მიერ მასწავლებელთა ონლაინ საზოგადოების პლატფორმაზე განხორციელებული საქმიანობის აღიარებას მასწავლებელთა პროფესიული განვითარების და კარიერული წინსვლის სქემის შესაბამისად სკოლის ბაზაზე პროფესიული განვითარების ვალდებულების ფარგლებში.

დეტალურ ინფორმაციას  მასწავლებელთა ონლაინ საზოგადოება - საქართველო პროექტის შესახებ გაეცანით  საინფორმაციო დოკუმენტში.

ინგლისური ენის მასწავლებელთა განაცხადების მიღება ბრიტანეთის საბჭოს მასწავლებელთა ონლაინ საზოგადოების პროექტში მონაწილეობაზე

ვიწვევთ ყველა საჯარო სკოლის ინგლისური ენის მასწავლებლებს პროექტში „მასწავლებელთა ონლაინ  საზოგადოება - საქართველო“  მონაწილეობის მისაღებად

პროგრამაში ჩართვის მსურველები

1. ყურადღებით უნდა გაეცნონ  ქვემოთ დართულ შემდეგ დოკუმენტებს:

- მასწავლებელთა ონლაინ საზოგადოება - საქართველო ინფორმაცია პროექტში მონაწილე მასწავლებელთათვის;

- მასწავლებელთა ონლაინ საზოგადოება -  საქართველო ინფორმაცია პროექტის შესახებ;

2. ამის შემდეგ, უნდა შეავსონ ონლაინ სააპლიკაციო ფორმა  მითითებულ ბმულზე არაუგვიანეს 2021 წლის 25 სექტემბრისა.

დამატებითი ინფორმაციისათვის თუ როგორ ჩაერთოთ პროექტში „მასწავლებელთა ონლაინ საზოგადოება - საქართველო“, გთხოვთ, დაუკავშირდეთ ბრიტანეთის საბჭოს ოფისს საქართველოში.

გარე ბმულები