©

Mat Wright

პროგრამა Selector PRO  მიზნად ისახავს ბრიტანული ცოდნისა და გამოცდილების გაზიარებას   მუსიკალური ინდუსტრიის სფეროში მოღვაწე პროფესიონალებისთვის. პროგრამის ფარგლებში ვგეგმავთ  პროფესიული განვითარებისთვის აუცილებელი ტრენინგების, DJ სესიების და საუბრების ჩატარებას  როგორც მუსიკალური ღონისძიებების მენეჯერებისთვის და ფესტივალების პროდიუსერებისთვის ასევე იმ ჟურნალისტებისთვის, რომლებიც მუსიკაზე წერენ. ახლახანს ჩავატარეთორი უმნიშვნელოვანესი ტრენინგი.

2018 წლის  6-8 თებერვალს მუსიკალური ღონისძიებების მენეჯმენტის ტრენინგს ბრიტანელი ექსპერტი, ივენთ პროდუსერი, პრომოუტერი, და პედაგოგი დენ ცუ უძღვებოდა.

8-10 თებერვალს კი  მუსიკის სფეროს ჟურნალისტიკის ტრენინგი ჩაატარა პოლ ლესტერმა, რომელსაც ამ სფეროში წარმატებით საქმიანობის 30 წლიანი გამოცდილება აქვს. 

პროგრამის იდეა წარმოიშვა ბრიტანეთის საბჭოს  მუსიკალური რადიო პროგრამისგან „სელექტორი“, რომელიც 2010 წლიდან მოყოლებული რეგულარულად გადაიცემა საქართველოში რადიო მწვანე ტალღაზე (FM 107.4). ამ რადიო პროგრამაში შესაძლებელია უახლესი ბრიტანული მუსიკალური მიმდინარეობების და მუსიკოსების ნაწარმოებების, მათთან ინტერვიუების და ცოცხლად შესრულებული მუსიკალური სესიების მოსმენა როგორც პირდაპირ ეთერში ისე ჩანაწერების და ინტერვიუების სახით. ეს მუსიკოსები ასრულებენ სხვადასხვა სტილის მუსიკას, როგორებიცაა ინდი, დაბსტეპი, ფოლკი, სოული, ელექტრო და ა.შ.