ჩვენი მასწავლებლები

მე ვარ ნინო და ვასწავლი ინგლისურს 2017 წლიდან.  2019 წელს მივიღე  CELTA სერტიფიკატი და მას შემდეგ ვასწავლი ბრიტანეთის საბჭოში. ჩემი გაკვეთილები ძირითადად ეფუძნება ინტერაქტიულ კომუნიკაციას და  მოსწავლეების წახალისებას. მომწონს სტუდენტებისთვის მეგობრული გარემოს შექმნა, რომელიც ეხმარება მათ მეტყველების გაუმჯობესებაში. თავისუფალ დროს მიყვარს მეგობრებთან ერთად ყოფნა, საყიდლებზე სიარული, მოგზაურობა და სანაპიროზე სეირნობა.

მე ვარ ხათუნა . ვასწავლი ინგლისურს 2005 წლიდან. მაქვს  სხვადასხვა დონეების და ასაკობრივი ჯგუფების სწავლების გამოცდილება. ასევე მაქვს ხარისხი ლინგვისტიკაში, CELTA, YL Extension, TYLEC სერტიფიკატები. ჩემი უპირველესი მიზანია, ჩემი სტუდენტებისთვის შევქმნა სასიამოვნო და საინტერესო სასწავლო, გარემო, რაც მათ საშუალებას მისცემს მიაღწიონ წარმატებას და თავდაჯერებულობას ინგლისურად საუბრისას. მიყვარს მოგზაურობა, საინტერესო ადამიანებთან შეხვედრა, წიგნების კითხვა და მებაღეობა.

მე ვარ რუსუდანი და 2003 წლიდან ვასწავლი ინგლისურ ენას. მაქვს  BET CEM, CELTA , TYLEC სერტიფიკატები. 2012 წლიდან ვასწავლი  ბრიტანეთის საბჭოში. ჩემი დიდი სურვილია, რომ  სტუდენტებმა ისწავლონ ინგლისური ისეთ გარემოში, რომელიც საინტერესო და სასიამოვნოა, რაც მათ საშუალებას მისცემს ისაუბრონ ბუნებრივად  და თავდაჯერებულად. სწავლების გარდა მაქვს სხვადასხვა გატაცება როგორიცაა ხატვა, ქსოვ, ფილმების ყურება  და ოჯახთან ერთად დროის გატარება.

მე ვარ შორენა  და  ვასწავლი ინგლისურს 2003  წლიდან. მაქვს CPE, TEFL, CELTA, TYLEC ,DELTA სერტიფიკატები.  ჩემი სამუშაო გამოცდილება მოიცავს ყველა ასაკობრივ ჯგუფსა და დონეზე  სწავლებას. თუმცა, განსაკუთრებით სიამოვნებით ვასწავლი უფროსებს.  ჩემი გაკვეთილები ეფუძნება ბევრ საუბარს და ინტერაქციას, რაც სტუდენტებს საშუალებას აძლევს გამოხატონ საკუთარი თავი  და  გამოიყენონ ენა ბუნებრივად. თავისუფალ დროს სიამოვნებით ვკითხულობ  და  ვაგროვებ ნიჟარებს.

მე ვარ ანა   საქართველოდან. მაქვს თბილისის სახელმწიფო უნივერსიტეტის  მაგისტრის ხარისხი და CELTA  სერტიფიკატი. 2002 წლიდან ვასწავლი ინგლისურს თითქმის ყველა ასაკობრივ ჯგუფს და დონეს. ჩემი მიზანია სტუდენტებს ვასწავლო აკადემიურად, გადავცე  ცოდნა და უნარები, რომლებიც  დაეხმარება მათ საკუთარი მიზნების მიღწევაში  და ცხოვრების უკეთესობისკენ შეცვლაში. თავისუფალ დროს მიყვარს მოგზაურობა, ფოტოების გადაღება და ცხოვრების მნიშვნელოვანი მომენტების მოგონებების შეგროვება.

მე ვარ ანი. ბრიტანეთის საბჭოში ვასწავლი 2013 წლიდან.  მიყვარს ჩემი პროფესია და მიხარია როდესაც ჩემი სტუდენტები წარმატებას აღწევენ.  ყოველთვის ვცდილობ  მათ სასიამოვნო სასწავლო გარემო და გამოცდილება შევუქმნა. მე ვასწავლი ინგლისურად აზროვნებას და ლაპარაკს ავთენტური მასალის გამოყენებით, რაც ენის შესწავლისთვის მნიშვნელოვანია. თავისუფალ დროს სიამოვნებით ვკითხულობ ლიტერატურას ხელოვნებასა და არქეოლოგიაზე, ამიტომ მიყვარს ლაშქრობა და არქეოლოგიური მნიშვნელობის ადგილების შესწავლა.

მე ვარ ანნა. დავიბადე და გავიზარდე საქართველში, ეროვნებით ვარ სომეხი. მაქვს ბაკალავრის ხარისხი ინგლისურ ფილოლოგიაში. 2022 წელს დავიწყე მუშაობა ბრიტანეთის საბჭოში მასწავლებლის ასისტენტის პოზიციაზე. მომდევნო წელს ავიღე CELTA სერტიფიკატი  და დავიწყე  მუშაობა მასწავლებლად. ჩემს გაკვეთილებზე ყოველთვის ვცდილობ შევქმნა ინტერაქტიული გარემო  და მივცე ჩემს მოსწავლეებს მოტივაცია.  მიყვარს მოგზაურობა და მოხალისეობა. თავისუფალ დროს ვკითხულობ წიგნებს, ვთამაშობ ჭადრაკს და ვუყურებ სატელევიზიო შოუებს.

მე ვარ ასალი.  2023 წლიდან ვასწავლი  ბრიტანეთის საბჭოში. მაქვს ბაკალავრის ხარისხი და გავიარე რამდენიმე პროფესიული განვითარების სასწავლო კურსი, მათ შორის CELTA.  ვარ ადამიანი, რომელიც ყოველთვის მისდევს საკუთარ მიზნებს, უპირველეს ყოვლისა ოცნებებში და შემდეგ რეალობაში. ვისწავლე, რომ დანებება არ არის გამოსავალი და რომ მიზნების მიღწევა გარდაუვალია. თავისუფალ დროს მიყვარს  ქალიშვილთან ერთად ხატვა, წიგნების კითხვა, მუსიკის მოსმენა, ფილმების ყურება,  ცურვა და ახალი ქვეყნების კულტურების შესწავლა.

მე ვარ დარია. ინგლისურს ვასწავლი 2009 წლიდან. მაქვს ლინგვისტიკის ხარისხი, CELTA, DELTA და მრავალი სხვა პროფესიული განვითარების სერტიფიკატი. შეგიძლიათ მენდოთ, რომ ჩემი გაკვეთილები ყოველთვის ისეა მომზადებული, რომ  შეძლოთ თქვენი  მიზნების ეფექტურად მიღწევა. სწავლების გარდა,  ვარ დედა და მეუღლე. მიყვარს მოგზაურობა და დროის  გარეთ გატარება. მოუთმენლად გელით გაკვეთილებზე ბრიტანეთის საბჭოში.

მე ვარ დევიდი, წარმოშობით ლონდონიდან, ამჟამად ვცხოვრობ თბილისში. 25 წელზე მეტია ვასწავლი ინგლისურს, როგორც უცხო ენას. ჩემი გატაცებაა მუსიკა, ხელოვნება და წერა. ადრეული ასაკიდან მიყვარდა კითხვა და ამის გამო ავიღე ბაკალავრის ხარისხი ინგლისურ ლიტერატურაში. მას შემდეგ წარმატებით ვაგრძელებ ჩემს კარიერას, როგორც  ინგლისური ენის მასწავლებელი. ყოველთვის ვცდილობ გამოვიყენო ყველა შანსი, რომ გავეცნო სხვადასხვა კულტურებს და ენებს.