შემოქმედებითი ნაპერწკალი არის ახალი ინიციატივა, რომლის მიზანია ხელი შეუწყოს საერთაშორისო საუნივერსიტეტო და ინსტიტუციურ პარტნიორობებს სამეწარმეო უნარების და შემოქმედებითი ინდუსტრიების განვითარებაში. პროგრამა ხორციელდება დიდ ბრიტანეთში, საქართველოში, აზერბაიჯანში, სომხეთში, უზბეკეთში, უკრაინაში, ყაზახეთსა და ყირგიზეთში.
საპარტნიორო ფონდი ხელს შეუწყობს აქტივობების დიზაინის შექმნას და განხორციელებას, რაც პროგრამაში მონაწილე ქვეყნებში სამეწარმეო განათლების განვითარებას შეუწყობს ხელს. ბრიტანეთთან მჭიდრო თანამშრომლობით შემოქმედებითი ინდუსტრიის სექტორის გაძლიერება კი თავის მხრივ ხელს შეუწყობს აღნიშნულ ქვეყნებში უმუშევრობის შემცირებას.
მისი მიზანია როგორც არსებული თანამშრომლობების გაღრმავება, ისე ახალი პარტნიორობების განვითარება შემოქმედებით სფეროში დასაქმებულ ბრიტანულ და ადგილობრივ უმაღლეს სასწავლებლებს შორის.
შემოგვიერთდით ვებინარზე 12 სექტემბერს, თბილისის დროით 13.00 საათზე (ბრიტანული დროით 10.00 სთ.) და შეიტყვეთ მეტი შემოქმედებითი ნაპერწკლის საპარტნიორო ფონდის შესახებ. ასევე უკეთ გაეცანით განაცხადის შემოტანის თავისებურებებს. გთხოვთ, შემოგვიერთდეთ უშუალოდ ვებინარის დაწყებამდე 10 წუთით ადრე. ამით შეძლებთ დროულად ჩამოტვირთოთ შესაბამისი პროგრამა ინტერნეტ ბრაუზერიდან.