ამჯერად ჩვენი ონლაინ სესია "შემოქმედებითი ნაპერწკალი: გვესაუბრება ანტრეპრენერი" გაგაცნობთ საგანმანათლებლო სფეროს ექსპერტს დოქტორ ლებენე სოგას, რომელიც პირდაპი ეთერში ისაუბრებს როგორ არიან სტუდენტები ჩართული ბიზნესის მართვაში და რა შესაძლებლობები ეძლევათ სტუდენტებს ანტრეპრენერობის სფეროში
სპიკერის შესახებ
დოქტორი ლებენე რიჩმონდ სოგა კითხულობს ლექციებს მეწარმეობის და ლიდერობის თემებზე ჰენლის ბიზნეს სკოლასა და რედინგის უნივერსიტეტში, ის ასევე არის ბრიტანეთის უმაღლესი განათლების აკადემიის სტიპენდიანტი. ლებენე ჰენლის ბიზნეს სკოლაში არის ბიზნესის ადმინისტრაციის და საერთაშორისო მენეჯმენტის პროგრამების დირექტორი. იგი იკვლევს მრავალ თემას, მათ შორის როგორ მოქმედებს სამეწარმეო ეკოსისტემა სამეწარმეო აქტივობებზე, ასევე ტექნოლოგიების როლს დამსაქმებელ-დასაქმებულების ურთიერთობებში. ლებენემ თავისი კვლევის შესახებ მოხსენება გააკეთა აკადემიურ კონფერენციაზე. იგი ასევე მიიწვიეს ორგანიზაციის Fortune-200 მენეჯერებისთვის საკუთარი კვლევის გასაცნობად. მის იდეებს და მოსაზრებებს ხშირად განიხილავენ ისეთ ორგანიზაციებში, როგორებიცაა Business Value Exchange (ამჟამად ეწოდება THRIVE) და Chartered Institute of Personnel and Development (CIPD).
სესიის მოდერატორი იქნება მაია დარჩია, ბრიტანეთის საბჭოს ხელოვნების პროგრამის მენეჯერი, მაია ასევე უძღვება შემოქმედებითი ნაპერწკლის პროგრამას საქართველოში.