მომღიმარი სტუდენტი გოგონა გარეთ წიგნებითა და ზურგჩანთით მიდის, სხვა სტუდენტებთან ერთად.

შედეგების გამოქვეყნება 

ქაღალდზე (Paper based) ჩასაბარებელი გამოცდებისთვის შედეგები, როგორც წესი, წერილობითი გამოცდებიდან დაახლოებით ოთხიდან ექვს კვირამდე პერიოდში ხდება ხელმისაწვდომი. 
 
ციფრული (Digital) გამოცდების შედეგების უმეტესობა ტესტირებიდან 5-10 სამუშაო დღეში ქვეყნდება, ხოლო დანარჩენი — მომდევნო კვირის განმავლობაში. შედეგების სრულად გამოქვეყნების მაქსიმალური ვადა გამოცდის თარიღიდან სამი კვირაა. 

Statement of Results 

ყველა კანდიდატი იღებს Statement of Results-ს, სადაც მოცემულია: 
  • თქვენი ქულა Cambridge English Scale-ზე ოთხივე უნარისთვის. 
  • თქვენი საერთო ქულა და შეფასება გამოცდისთვის. 
  • თქვენი CEFR დონე მთლიანი გამოცდისთვის.

ინდივიდუალური კანდიდატები 

კანდიდატებს, რომლებსაც სურთ შედეგების გამოქვეყნებისთანავე შეტყობინების მიღება, შეუძლიათ დარეგისტრირდნენ Cambridge Results ვებსაიტზე თავიანთი ID-ისა და განრიგზე მითითებული ნომრის გამოყენებით. 

მოსამზადებელი ცენტრები 

ყველა მოსამზადებელ ცენტრს, რომელიც კანდიდატებს Cambridge English Qualifications გამოცდებზე არეგისტრირებს, შეუძლია სტუდენტების შედეგებსა და Statements of Results-ზე წვდომა Cambridge English Preparation Centre ვებსაიტის საშუალებით. 

  • რეგისტრაციის შემდეგ, ცენტრები სისტემაში შესასვლელ მონაცემებს ელფოსტით მიიღებენ. 
  • ცენტრის მეშვეობით დარეგისტრირებულ კანდიდატებს შედეგებზე წვდომა Results Service for Candidates-ის საშუალებით შეუძლიათ.

სერტიფიკატები 

სერტიფიკატები Cambridge English-ის მიერ British Council-ს ეგზავნება ქაღალდზე (Paper based) ჩასაბარებელი გამოცდებიდან დაახლოებით შვიდიდან ათ კვირამდე პერიოდში, ხოლო ციფრული გამოცდებიდან — სამიდან ოთხ კვირამდე პერიოდში. 

სერტიფიკატის მიღება 

  • თუ დარეგისტრირდით ინგლისური ენის მოსამზადებელი ცენტრის მეშვეობით, თქვენი სერტიფიკატი გაიგზავნება თქვენს სკოლაში.
  • თუ დარეგისტრირდით როგორც ინდივიდუალური კანდიდატი, თქვენი მოთხოვნის საფუძველზე სერტიფიკატი შესაძლებელია გაიგზავნოს თქვენს საფოსტო მისამართზე. 

ყველა ბავშვი, რომელიც Cambridge English Young Learners გამოცდას აბარებს, იღებს სერტიფიკატს, რომელიც მის მიღწევას აღიარებს და ეხმარება თავდაჯერების ამაღლებაში. 

სერტიფიკატში ასახულია გამოცდის თითოეულ ნაწილში მიღებული Cambridge shield-ების (ფარების) რაოდენობა — თითოეულ ნაწილში მაქსიმუმ ხუთი shield (ფარი). ერთი shield (ფარი) მიუთითებს, რომ ბავშვს ამ უნარში კიდევ შეუძლია გააუმჯობესოს შედეგი, ხოლო ხუთი shield (ფარი) აჩვენებს, რომ ის ძალიან კარგად ასრულებს დავალებებს. 

ბავშვები ასევე იღებენ Statement of Results-ს, რომელიც მათ შედეგებზე უფრო დეტალურ უკუკავშირს მოიცავს. მასში მოცემულია ტესტის თითოეულ ნაწილში მიღებული shield-ის (ფარის) რაოდენობა, ინფორმაცია ბავშვის ძლიერი მხარეებისა და გასაუმჯობესებელი მიმართულებების შესახებ, ასევე რეკომენდაციები ენის შემდგომი განვითარებისთვის. 

სკოლებს, მშობლებსა და მოსწავლეებს შედეგებზე წვდომა შეუძლიათ Cambridge English Online Results Services-ის მეშვეობით, როდესაც შედეგები ხელმისაწვდომი გახდება. სისტემაში შესვლის მონაცემების მისაღებად გთხოვთ დაუკავშირდეთ თქვენს მოსამზადებელ ან ავტორიზებულ საგამოცდო ცენტრს. 

ციფრული (Digital) Young Learners გამოცდის შემთხვევაში, ტესტირებისას შექმნილი პერსონალური ავატარი გამოჩნდება სერტიფიკატსა და Statement of Results-ზე. 

Cambridge English Scale გამოიყენება Cambridge English კვალიფიკაციებისა და ტესტების შედეგების წარსადგენად. ის კანდიდატის ინგლისური ენის დონის უფრო დეტალურ სურათს აჩვენებს და სხვადასხვა გამოცდაში ქულებს ერთიან ფორმატში წარმოადგენს. 

კანდიდატები იღებენ ქულებს თითოეული უნარისთვის — Reading, Writing, Listening და Speaking — ასევე Use of English-ისთვის, თუ ეს ნაწილი გამოცდაში შედის. ისინი ასევე იღებენ საერთო ქულას Cambridge English Scale-ზე

  • უფრო მკაფიო შეფასება: შკალა კანდიდატებს ეხმარება, უფრო დეტალურად გაიგონ თავიანთი შედეგი როგორც მთლიანობაში, ისე ცალკეული უნარების მიხედვით. 
  • ერთიანი ანგარიშგება: შედეგები ყველა Cambridge English გამოცდაში ერთი და იმავე შკალით არის წარმოდგენილი, რაც მათ გაგებასა და შედარებას ამარტივებს. 
  • მარტივი შედარება და პროგრესის კონტროლი: რადგან შკალა შეესაბამება CEFR-ს, IELTS-სა და Cambridge English გამოცდებს, ის კანდიდატებს, მასწავლებლებსა და ორგანიზაციებს ეხმარება დაინახონ, როგორ შეესაბამება შედეგები ერთმანეთს და როგორ პროგრესირებს კანდიდატი ერთი საფეხურიდან მომდევნოზე. 

დამატებითი ინფორმაციისთვის ეწვიეთ Cambridge English ვებსაიტს. 

თუ თქვენს სერტიფიკატზე სახელი არასწორად არის მითითებული, მათ შორის მართლწერის შეცდომაა ან სიტყვების არასწორი თანმიმდევრობა, გთხოვთ, დაგვიკავშირდეთ. 

  • სერტიფიკატის გაცემის თარიღიდან ექვსი თვის განმავლობაში წარდგენილი მოთხოვნის საფუძველზე, ხარვეზი უფასოდ გასწორდება. 

  • ექვსი თვის შემდეგ წარდგენილი მოთხოვნის შემთხვევაში, მომსახურება ფასიანია. 

  • სერტიფიკატის გაცემის თარიღიდან ორი წლის შემდეგ მოთხოვნები არ მიიღება.

შედეგებთან დაკავშირებული მოთხოვნები 

თუ ფიქრობთ, რომ თქვენი გამოცდის შედეგი თქვენს რეალურ შედეგს არ ასახავს, Cambridge English გთავაზობთ დეტალურ Results Enquiry Procedure-ს. ეს პროცესი უზრუნველყოფს, რომ Speaking ნაწილის გარდა ყველა კომპონენტი ყურადღებით შემოწმდეს და, მოთხოვნის შემთხვევაში, ხელახლა შეფასდეს. 

შედეგებთან დაკავშირებული მოთხოვნის გასაგზავნად, გთხოვთ, დაგვიკავშირდეთ ელფოსტით და მიუთითოთ თქვენი სრული სახელი, გამოცდის თარიღი და ლოკაცია. 

ყველა შედეგთან დაკავშირებული მოთხოვნა თქვენი სახელით British Council-ის მეშვეობით უნდა გაიგზავნოს.  

ეტაპი 

რისი გადახედვა ხდება? 

რა დრო სჭირდება პროცესს? 

რა არის შედეგების გადახედვის ღირებულება? 

1-ლი ეტაპი 

ქულების დაჯამების შემოწმება 

დაახლოებით 5 დღე 

25.75 ფუნტი სტერლინგი 

მე-2 ეტაპი 

ნაშრომის ხელახალი შესწორება 

დაახლოებით 5 კვირა 

A2 Key / B1 Preliminary: 77 ფუნტი სტერლინგი B2 First / C1 Advanced / C2 Proficiency: 119 ფუნტი სტერლინგი 

*შენიშვნა: ლარის ექვივალენტი გამოითვლება შესაბამისი თვისთვის ბრიტანეთის საბჭოს მიერ დადგენილი გაცვლითი კურსის მიხედვით. 

გთხოვთ, გაითვალისწინოთ, რომ ეს პროცესი არ ვრცელდება Speaking ტესტის კომპონენტზე. 

Stage 2 მოთხოვნის გასაგზავნად, კანდიდატს მიღებული უნდა ჰქონდეს შედეგები და დასრულებული უნდა ჰქონდეს Results Enquiry Procedure-ის Stage 1. 

ხელახალი შეფასების პროცესი არ არის ხელმისაწვდომი Cambridge English Young Learners Pre A1 Starters, A1 Movers, A2 Flyers დონეებისთვის და TKT გამოცდებისთვის. 

***გადახდა ხდება ლარში, გადახდის თარიღისთვის მოქმედი კურსის შესაბამისად. 

 
Share this