კომპიუტერული IELTS ტესტის მოსამზადებელი მასალები

რა არის კომპიუტერული IELTS ტესტი?

ჩვენ  გავაადვილეთ და კიდევ უფრო მოსახერხებელი გავხადეთ თქვენთვის IELTS ტესტის ჩაბარება. თქვენ შეგიძლიათ ტესტი კომპიუტერულად ჩააბაროთ. კომპიტერული IELTS ტესტის შემთხვევაში ტესტის სმენის, კითხვის და წერის ნაწილს ჩააბარებთ კომპიუტერულად.  გამოცდის საუბრის ნაწილს კვლავ პირისპირ გაივლით IELTS გამომცდელთან, რადგან ვფიქრობთ, რომ ეს ყველაზე ეფექტური საშუალებაა თქვენი საუბრის უნარების შესაფასებლად.

იმისათვის რომ მეტი შეიტყოთ ტესტის ფორმატის შესახებ ეწვიეთ გვერდს ჩააბარეთ კომპიუტერული IELTS ტესტი

კომპიუტერული IELTS ტესტის სადემონსტრაციო ვიდეოები

ჩვენ შევქმენით ონლაინ ვიდეოების სერია  კომპიუტერული IELTS გამოცდისთვის, რომელიც დაგეხმარებათ გაერკვეთ როგორ მუშაობს სმენის, კითხვის და წერის კომპონენტები კომპიუტერზე და გაჩვენოთ სხვადასხვა ფუნქციები. დარწმუნდით, რომ გაეცნობით ყველა ვიდეოს, რათა გამოცდის დღეს იყოთ უფრო თავდაჯერებული და მომზადებული.

როგორ მოვემზადოთ კომპიუტერული IELTS ტესტისთვის?

იმისათვის, რომ დაგეხმაროთ კომპიუტერული IELTS ტესტისთვის მოსამზადებლად, შევადგინეთ ჩვენი ელექტრონული პრაქტიკული სავარჯიშოების სია, რომელთა გამოყენებაც უფასოდ შეგიძლიათ. მასალები დაგეხმარებათ მოემზადოთ ტესტის სხვადასხვა კომპონენტისათვის და ბოლოს საშუალება გექნებთა თქვენი ცოდნა შეამოწმოთ ონლაინ საჩვენებელი ტესტის საშუალებით.

სმენის, კითხვის და წერის მოსამზადებელი ტესტები

დასაწყისისთვის გადადით ვებგვერდზე Take IELTS  და სცადეთ ჩვენი პრაქტიკული ტესტები, რომლებიც ფოკუსირდება სმენის, კითხვის და წერის კომპონენტებზე. აქ შეგიძლიათ ნახოთ ტესტები როგორც IELTS აკადემიური, ისე ზოგადი მოდულისათის.