„ფესტივალები განვითარებისთვის" აჭარაში

აჭარის ავტონომიური რესპუბლიკის განათლების, კულტურის და სპორტის სამინისტროსთან თანამშრომლობით 2019 წლის 15 მარტს ბათუმში გაიმართა ფესტივალების მენეჯმენტის გაუმჯობესებისაკენ მიმართული საგანმანათლებლო პროფესიული განვითარების პროექტის მიღწევებისა და პერსპექტივებისადმი მიძღვნილი დასკვნითი ღონისძიება.

ჩვენ მიერ ორგანიზებული კონფერენცია „ფესტივალები განვითარებისთვის“, სამთავრობო უწყებებისა და ადგილობრივი ფესტივალების მენეჯერებისთვის, რომელიც 2018 წლის 14 მარტს ბათუმში გაიმართა ემსახურებოდა ქვეყნის კულტურულ და ეკონომიკურ განვითარებაში ფესტივალების მნიშვნელობისა და წვლილის შესახებ ცნობიერების ამაღლებას.

მნიშვნელოვანი ბრიტანული ფესტივალების ორგანიზატორებმა კონფერენციის მონაწილეებს გააცნეს ბრიტანული ფესტივალების თანამშრომლობის საუკეთესო მაგალითები, წარმატებულ ქეისები და ინოვაციური მოდელები (ედინბურგის ფესტივალები, ფრინჯი, ბრაიტონი, ანლიმიტედ, გლოსტერი და ა.შ.).

პროექტის ფარგლებში განხორციელებული ღონისძიებები/ტრენინგები

2017 წლის 20-23 ივნისი. ფესტივალების პროდიუსერისა და სტრატეგიული კონსულტანტის დონა ქლოუზის ტრენინგი „ფესტივალების დაგეგმვისა და ორგანიზების ტრენინგი აჭარის საფესტივალო სფეროს პროფესიონალებისთვის“
2017 წლის 24-28 ივლისი. მარკეტინგის და განვითარების პროფესიონალის, ოუენ მაქნირმა ჩაატარა ტრენინგი: „როგორ შევადგინოთ ფესტივალების მარკეტინგის გეგმა".
2018 წლის 14 მარტი. კონფერენცია „ფესტივალები განვითარებისთვის“ ბათუმში.
2018 წლის 5-8 ივნისი. Festivals and Events International (FEI)-ის წარმომადგენელმა ოუენ მაქნირმა ჩაატარა ტრენინგი სახელწოდებით ,,როგორ მოვიძიოთ ფონდები ფესტივალებისთვის’’
2018 წლის 26-28 ნოემბერი. ედინბურგში სამუშაო ვიზიტით იმყოფებოდნენ აჭარის განათლების,კულტურის და სპორტის მინისტრის მოადგილე თეონა ბერიძე, სამინისტროს უფროსი სპეციალისტი სალომე მურვანიძე, ბათუმის დრამატული თეატრის სამხატვრო ხელმძღვანელი ანდრო ენუქიძე და აჭარის ტურიზმისა და კურორტების დეპარტამენტის საზოგადოებასთან ურთიერთობისა და რეკლამის სამსახურის უფროსი ნინო ხახუბია.