თქვენი Cambridge გამოცდის დღე

გამოცდის დაწყებამდე 

• თან იქონიეთ კალამი, ფანქარი, საშლელი და თქვენი პასპორტი ან პირადობის დამადასტურებელი დოკუმენტი. 
• ნუ მოიტანთ ზედმეტ ფურცლებს; ყველა საჭირო მასალა ადგილზე დაგხვდებათ. 
• საგამოცდო ცენტრში გამოცდის დაწყებამდე მინიმუმ 30 წუთით ადრე უნდა გამოცხადდეთ. 
• საგამოცდო ოთახის მისაგნებად მიჰყევით საინფორმაციო ნიშნებს. მეთვალყურე თავად შეგატყობინებთ, როდის შეძლებთ აუდიტორიაში შესვლას. 

ოთახში შესვლისას 

• გამორთეთ მობილური ტელეფონი (მაღვიძარასა და შეხსენებების ჩათვლით) და ყველა სხვა ელექტრონული მოწყობილობა, მათ შორის სმარტ-საათი. 
• მობილური ტელეფონები და სხვა არანებადართული ნივთები (ჩანთები, წიგნები და ა.შ.) მოათავსეთ სპეციალურად გამოყოფილ ადგილას. 
• შეგიძლიათ თან იქონიოთ გამჭვირვალე წყლის ბოთლი, თუმცა გთხოვთ, ის იატაკზე, თქვენი მერხის გვერდით დადოთ, რათა თავიდან აიცილოთ შემთხვევითი დაზიანება ან წყლის დაღვრა. 
• მას შემდეგ, რაც ადგილს დაიკავებთ, საგამოცდო დღის დამკვირვებელი მოგთხოვთ პასპორტის ან პირადობის დამადასტურებელი დოკუმენტისა და განრიგის ჩვენებას თქვენი იდენტობის დასადასტურებლად. 
• Საგამოცდო დღის დამკვირვებლები დაგირიგებენ კითხვარებს და, ზოგიერთ შემთხვევაში, ცალკე პასუხების ფურცელს ან სამუშაო ფურცელს. 
• თუ თქვენს კითხვარზე დაბეჭდილი სახელი არასწორია, დაუყოვნებლივ აცნობეთ ზედამხედველს. 
• ზედამხედველი თითოეული ნაწილისთვის კონკრეტულ ინსტრუქციებს მოგცემთ. ყურადღებით მოუსმინეთ და თუ რამე გაუგებარია, დასვით კითხვა. 

გამოცდის დაწყებისას 

• არ გაქვთ საუბრის, გადაწერის ან აკრძალული ნივთების, მაგალითად მობილური ტელეფონის შეტანის უფლება. ამ წესების დარღვევა გამოიწვევს გამოცდიდან დაუყოვნებლივ მოხსნას და დისკვალიფიკაციას. 
• თუ გამოცდის დროს გაქვთ კითხვა ან პრობლემა შეგექმნათ, მაგალითად ტექნიკური ხარვეზი, ხმაური ან სხვა დაბრკოლება, დაუყოვნებლივ ასწიეთ ხელი. ზედამხედველი ოფიციალური საგამოცდო წესების შესაბამისად დაგეხმარებათ. 
• თუ საპირფარეშოთი სარგებლობა გჭირდებათ, ასწიეთ ხელი. უსაფრთხოების მიზნით, თქვენ საგამოცდო დღის დამკვირვებელი უნდა გაგყვეთ.

• წაიკითხეთ ინსტრუქციები კითხვარის პირველ გვერდზე და, საჭიროების შემთხვევაში, ცალკე პასუხების ფურცელზეც. 
• არ გახსნათ კითხვარი მანამ, სანამ საგამოცდო დღის დამკვირვებელი ამის ინსტრუქციას არ მოგცემთ. თითოეული ნაწილისთვის გეტყვიან, კალამი უნდა გამოიყენოთ თუ ფანქარი. 
• თითოეული ნაწილის ხანგრძლივობა გამოცხადდება. ყველა დავალება, მათ შორის პასუხების გადატანა, გამოყოფილ დროში უნდა დაასრულოთ. პასუხების გადასატანად დამატებითი დრო არ გამოიყოფა. 
• ყველა მონახაზი ან სამუშაო ჩანაწერი უნდა გააკეთოთ კითხვარის ცარიელ გვერდებზე ან საგამოცდო დღის დამკვირვებლის მიერ მოწოდებულ ცალკე ფურცელზე, თქვენი გამოცდის დონის შესაბამისად. 
• Listening ტესტის აუდიო მოიცავს ყველა ინსტრუქციასა და საჭირო პაუზას. თითოეულ ნაწილს ორჯერ მოისმენთ. მხოლოდ Listening ტესტის დასრულების შემდეგ მოგეცემათ დრო პასუხების გადასატანად. 
• ზედამხედველი შეგახსენებთ, როდესაც თითოეული წერილობითი ნაწილის დასრულებამდე დარჩენილი იქნება 10 და 5 წუთი. 

• როდესაც ზედამხედველი გეტყვით, სისტემაში შესასვლელად უნდა შეიყვანოთ თქვენი პერსონალური entry code. სანამ გააგრძელებთ გთხოვთ, შეამოწმოთ, რომ ეკრანზე მოცემული თქვენი პირადი მონაცემები სწორია. გამოცდის თითოეული კომპონენტის დაწყების წინ entry code-ის ხელახლა შეყვანა დაგჭირდებათ. 
• გამოცდის განმავლობაში კომპიუტერის გამორთვა ან გადატვირთვა არ შეიძლება. კლავიატურაზე აკრეფა დაიწყეთ მხოლოდ მაშინ, როდესაც ზედამხედველი ამის ინსტრუქციას მოგცემთ. 
• გამოცდის დარჩენილი დრო ეკრანზე გამოჩნდება. თითოეული ნაწილის დასრულებამდე მიიღებთ 10-წუთიან და 5-წუთიან გაფრთხილებას, Listening ნაწილის გარდა. 
• უნდა გამოიყენოთ მოწოდებული ყურსასმენები, რომლებიც გამოცდამდე შემოწმდება. ტესტის დაწყებამდე ხმის თქვენთვის კომფორტულ დონეზე დაყენება თქვენი პასუხისმგებლობაა.