ზოგადი ინფორმაცია
როგორ შემიძლია თქვენთან დაკავშირება?
იმისათვის, რომ იხილოთ ჩვენი საკონტაქტო დეტალები, გადადით აქ.
სად მდებარეობს თქვენი სასწავლო ცენტრი?
ჩვენი სასწავლო ცენტრები მდებარეობს თბილისში:
- რუსთაველის გამზ. N 34
- ტარას შევჩენკოს ქ. N 1
როგორ დავრეგისტრირდეთ ქვენს კურსებზე?
რეგისტრაციისთვის საჭიროა, დაჯავშნოთ კონსულტაცია.
კონსულტაციას დაესწრებით დაჯავშნულ დღესა და დროს ელექტრონულ ფოსტაზე გამოგზავნილი ინსტრუქციების მიხედვით.
რა ასაკისა და დონის მქონე მოსწავლეს სთავაზობთ კურსებს?
ბრიტანეთის საბჭოს სასწავლო ცენტრი სტუდენტებს იღებს 6 წლიდან და გთავაზობთ ინგლისური ენის კურსებს ყველა ასაკისა და დონის მქონე ადამიანისთვის. თქვენ გაივლით დონის დასადგენ ტესტსა და კონსულტაციას რის შედეგადაც დარეგისტრირდებით თქვენთვის შესაბამის ასაკობრივ ჯგუფსა და დონეზე.
რეგისტრაციისთვის, გთხოვთ, დაჯავშნოთ კონსულტაცია.
როგორ ფორმატში მიმდინარეობს მეცადინეობები: დისტანციურ რეჟიმში თუ საკლასო ოთახში?
პანდემიის გამო ქვეყანაში გამკაცრებულია რეგულაციები, რომელთა მიხედვითაც ამ ეტაპზე გაკვეთილების მხოლოდ დისტანციურ რეჟიმში წარმართვა არის შესაძლებელი.
როდესაც აღნიშნული რეგულაციები შემსუბუქდება, თქვენ თავად შეძლებთ გააკეთოთ არჩევანი პირისპირ და ონლაინ სწავლებას შორის.
შეგიძლიათ მოგვაწოდოთ ინფორმაცია თქვენს მასწავლებლებთან დაკავშირებით?
გაცნობებთ, რომ ჩვენი მასწავლებლები არიან გამოცდილი და მაღალკვალიფიციური სპეციალისტები, აქვთ CELTA/DELTA საერთაშორისო კვალიფიკაცია. ისინი უზრუნველყოფენ, რომ მიიღოთ მაქსიმალური ცოდნა ჩვენი კურსების საშუალებით.
გაქვთ ინდივიდუალური მეცადინეობები?
ჩვენ ვიყენებთ ენის სწავლების კომუნიკაციურ მეთოდს, რომელსაც საუკეთესო შედეგი აქვს ჯგუფური მეცადინეობებისას. გაკვეთილები მიმდინარეობს მხოლოდ ინგლისურ ენაზე ნებისმიერ დონეზე და თქვენ გეძლევათ შესაძლებლობა თქვენს თანაკურსელებთან ერთად გაივარიშოთ ინგლისურად საუბარში და გაიუმჯობესოთ საუბრისა და მოსმენის უნარ-ჩვევები.
იმ შემთხვევაში, თუ მხოლოდ ინდივიდუალური მეცადინეობებია თქვენთვის მისაღები, შეგიძლიათ დარეგისტრირდეთ EnglishScore Tutors პლატფორმაზე და დაესწროთ ინდივიდუალურ მეცადინეობებს აქ.
დავრეგისტრირდი EnglishScore Tutors/ English Online კურსზე, თუმცა მაქვს გარკვეული ტექნიკური ხარვეზები. როგორ მოვიქცე?
გაცნობებთ, რომ EnglishScore Tutors/English Online გახლავთ ბრიტანეთის საბჭოს გლობალური პროდუქტი და მას უშუალო ადმინისტრირებას უწევს ბრიტანეთის საბჭოს გლობალური გუნდი. დახმარებისთვის, გთხოვთ, გამოიყენოთ „Help“ ღილაკი, რომელიც ხელმისაწვდომია პლატფორმაზე.
დაინტერესებული ვარ ინგლისური ენის შემსწავლელი უფასო კურსებით. როგორ მოვიქცე?
ბრიტანეთის საბჭოს საქართველოში არ აქვს ინგლისური ენის შემსწავლელი უფასო ონლაინ კურსები, თუმცა ბრიტანეთის საბჭო გთავაზობთ უფასო ონლაინ რესურსების ფართო არჩევანს, რომელიც ზრდასრულებს, მოზარდებსა და ბავშვებს ინგლისური ენის შესწავლაში დაეხმარება. აღნიშნული რესურსები შეგიძლიათ იხილოთ აქ.