ინფორმაცია და რჩევები IELTS ტესტის დღესთან დაკავშირებით

IELTS ტესტის დღეს შეიძლება ცოტა აღელვებული იყოთ. იმისთვის, რომ ყველაფერმა თქვენთვის შეფერხების გარეშე ჩაიაროს, მოგაწვდით ინფორმაციას იმის შესახებ, თუ რა მოხდება ტესტის დღეს.

საჭიროა, დროულად მიხვიდეთ IELTS ტესტზე. გამოცდამდე სამი დღით ადრე, თქვენ მიიღებთ წერილს ტესტირების დაწყების დროის შეტყობინებით. წერილში იქნება დეტალური ინფორმაცია ტესტის პროცედურების შესახებ. დაგვიანების შემთხვევაში, შეიძლება არ დაგიშვან ტესტზე.

თუ თქვენ მოითხოვეთ სპეციალური პირობები შეზღუდული შესაძლებლობების გამო, ტესტის დღეს თქვენთვის საჭირო ღონისძიებები გატარდება. ასეთ შემთხვევაში, გთხოვთ, გვიკავშირდეთ, გამოცდამდე სულ მცირე ექვსი კვირით ადრე.

ტესტის საუბრის ნაწილი შეიძლება შემოგთავაზონ იმავე დღეს, ან არაუმეტეს ერთი კვირით ადრე ან გვიან. წინასწარ მიიღებთ შეტყობინებას, საუბრის ნაწილის ჩატარების თარიღების შესახებ.

გთხოვთ გაითვალისწინოთ, საგამოცდო ოთახში არ შეიძლება საჭმლის შეტანა, თქვენ გექნებათ უფლება შეიტანოთ მხოლოთ წყალი გამჭვირვალე ბოთლში.

რამდენ ხანს გრძელდება ტესტირება?

ტესტის მოსმენის, კითხვის და წერით ნაწილებს სჭირდება 2 საათი და 40 წუთი და ტესტის ნაწილების შორის არ არის შესვენებები.

ტესტის საუბრის ნაწილის ჩატარება შეიძლება შემოგთავაზონ იმავე დღეს, რაც ტესტის სხვა ნაწილები, ან არაუმეტეს ერთი კვირით ადრე ან გვიან. თქვენ წინასწარ მიიღებთ შეტყობინებას, თუ ტესტის საუბრის ნარილი დაინიშნება სხვა დღეს, ვიდრე ძირითადი ტესტი.

რა უნდა შევიტანო ტექსტის ოთახში?

თან უნდა იქონიოთ:

  • თქვენი ID / საიდენტიფიკაციო დოკუმენტი
  • ფანქარი და კალამი (ფანქარი საჭირო იქნება მოსმენის და კითხვის ნაწილებისთვის)
  • საშლელი

გირჩევთ, თან იქონიოთ:

  • წყალი გამჭვირვალე ბოთლში.

სხვა ნივთის შეტანას ტესტის ჩატარების ოთახში ვერ შეძლებთ.

გამორთეთ მობილური ტელეფონი და სხვა ელექტრონული მოწყობილობები. თქვენ მოგეთხოვებათ მათი დატოვება სხვა პირად ნივთებთან ერთად ტესტის ჩატარების ოთახის გარეთ.

სად უნდა დავტოვო ჩემი პირადი ნივთები ტესტის დღეს?

ეს იქნება დაცული ადგილი, სადაც უნდა დატოვოთ ყველა პირადი ნივთი. ბრიტანეთის საბჭო არ აგებს პასუხს თქვენი პირადი ნივთების დაკარგვაზე ან დაზიანებაზე ტესტის ჩატარების ადგილას. ამიტომ, ჩვენ კატეგორიულად გირჩევთ, დატოვოთ ძვირადღირებული ნივთები, როგორებიცაა მობილური ტელეფონები და კომპიუტერები, სახლში.

როდის შემოწმდება ჩემი პირადობა?

IELTS ტესტის ჩატარების ადგილობრივი თანამშრომლები შეამოწმებენ თქვენს პირადობას მისვლისთანავე.

გთხოვთ, თან იქონიოთ იგივე მოქმედი ID / საიდენტიფიკაციო დოკუმენტი (ეროვნული პირადობის დამადასტურებელი მოწმობა ან პასპორტი), რომელიც გამოიყენეთ ტესტის დაჯავშვნის დროს.  

არასწორი ან ვადაგასული ID / საიდენტიფიკაციო დოკუმენტები არ მიიღება. თუ ვერ შეძლებთ მოქმედი ID-ის წარდგენას, თქვენ არ დაიშვებით ტესტზე.

როდის გადამიღებენ ფოტოსურათს ტესტის დღეს?

თქვენ სურათს გადაგიღებენ ტესტირების დღეს, დამატებითი უსაფრთხოების ზომისთვის და ის გამოჩნდება თქვენი ტესტის ანგარიშის ფორმაზე.

რა ხდება ტესტის ბოლოს?

დარჩით თქვენს ადგილას, სანამ ზედამხედველი არ მოგცემთ ნებართვას დატოვოთ ოთახი.

თუ ფიქრობთ, რომ არსებობს რაიმე გარემოება, რომლებმაც შეიძლება იმოქმედოს თქვენს შედეგზე, იმწამსვე აცნობეთ ამის შესახებ დამკვირვებელს.

თუ გსურთ დააყენოთ საკითხი, ან შეიტანოთ საჩივარი, გთხოვთ, სთხოვოთ თქვენს დამკვირვებელს, შეავსოს ტესტის დღის ინციდენტის ფორმა. ეს ფორმა უნდა იყოს წარდგენილი ტესტის ჩატარებიდან ერთი კვირის ვადაში.

რა უნდა გავაკეთო, თუ დამჭირდა დახმარება ტესტის დროს?

თუ გაგიჩნდათ შეკითხვა ტესტის დროს, აწიეთ ხელი დახმარებისთვის.

ტესტის მოსმენის ნაწილის ჩაბარების დროს, დარწმუნდით, რომ ხმა კარგად ისმის. პირდაპირ აწიეთ ხელი და აცნობეთ დამკვირვებელს, თუ არ გესმით ჩანაწერი.

გთხოვთ, გახსოვდეთ, მოსმენის ნაწილის შემდეგ გექნებათ 10 წუთი პასუხების ფურცელის შესავსებად. თქვენ არ გექნებათ 10 წუთი კითხვის ნაწილის შემდეგ, ამიტომ, დარწმუნდით, რომ ჩაწერეთ პასუხები პასუხების ფურცელზე, როგორც კი დაასრულებთ თითოეულ ნაწილს.

თუ ტესტის დროს დაგჭირდებათ საპირფარეშოში გასვლა, აწიეთ ხელი დამკვირვებლის ყურადღების მისაქცევად. არ შეაწუხოთ ტესტირებაში მონაწილე სხვა კანდიდატები.

ბრიტანეთის საბჭოსთვის ძალიან მნიშვნელოვანია თქვენი უსაფრთხოება

გთხოვთ, გაითვალისწინოთ, რომ უსაფრთხოება ბრიტანეთის საბჭოს IELTS ტესტზე ძალიან მნიშვნელოვანია. როგორც დამატებითი ზომა, ყველა მონაწილეს მოეთხოვება სურათის გადაღება ტესტირების დღეს. გთხოვთ, დარწმუნდეთ, რომ გაეცანით ფოტოსურათის გადაღების ინსტრუქციებს, რომელიც მოგეწოდათ თქვენ მიერ ტესტის დაჯავშვნის შემდეგ.  

ნებისმიერი მაჯის საათის შეტანა ტესტირების ოთახში, მიუხედავად მათი მოდელისა თუ სხვა მონაცემებისა, არ არის ნებადართული. თქვენ მოგეთხოვებათ დატოვოთ თქვენი მაჯის საათი დაცულ ადგილას. ტესტირების ოთახში კედელზე იქნება საათი.