Creative Spark Big Idea Challenge 2022, image

დადგა დრო, ხმა მისცეთ თქვენს რჩეულ იდეას! 

ვიდეო-ფიჩ კონკურსი Big Idea Challenge პროგრამაში მონაწილე ქვეყნების ახალგაზრდებს შესაძლებლობას აძლევს, შექმნან და მსოფლიოს გააცნონ საკუთარი ინოვაციური „სტარტაპები“. პროგრამაში მონაწილე ორგანიზაციათა სტუდენტებმა, კურსდამთავრებულმა და ახალგაზრდა მეწარმეებმა შემოიტანეს განაცხადი საკუთარი კონკურსში მონაწილეობის მისაღებად და ახლა დადგა დრო, ავირჩიოთ საუკეთესო იდეები, რომლებიც განხორციელდება. წელს კონკურსი ჩატარდება სამ კატეგორიაში:

სოციალური ზეგავლენა

იდეები, რომლებიც შეეხება სოციალურ ჩართულობას და გენდერულ თანასწორობას ან არასაკმარისად წარმოდგენილ სამიზნე თემებს, და არამარტო. ეს შეიძლება იყოს ნებისმიერი იდეა, რომლის მიზანიცაა, დაეხმაროს მათ, ვისაც ეს ყველაზე მეტად სჭირდება. 

შემოქმედებითი

ახალი პროდუქტის, გამოფენის ან კულტურული გარემოს გამოცოცხლების იდეები. ახალი იდეები, რომლებიც დაეხმარება შემოქმედებით ადამიანებს, მისწვდნენ ახალ აუდიტორიას და მეტ წარმატებას მიაღწიონ. 

ციფრული ტექნოლოგიები 

იდეები, რომლებიც ეფუძნება ტექნოლოგიების ინოვაციურ გამოყენებას და გულისხმობს ახალი პროგრამული თუ აპარატული უზრუნველყოფის შექმნასა და გამოყენებას. 

თითოეულ მონაწილე ქვეყანაში ჯილდო გადაეცემა იმ გუნდს, რომელიც ღია კენჭისყრისას ხმების ყველაზე მეტ რაოდენობას მიიღებს. საჯარო კენჭისყრაში გამარჯვებული გუნდებიდან ერთ-ერთი დასახელდება ხალხის რჩეულ საერთაშორისო გამარჯვებულად.