ბრიტანეთის საბჭოს ახალი საერთაშორისო პროგრამა საგამომცემლო სექტორში დასაქმებულთათვის მიზნად ისახავს ხელი შეუწყოს ბრიტანელ და ქართველ პროფესიონალ გამომცემლებს შორის საქმიანი კონტაქტების დამყარებას.

საგამომცემლო სექტორის ექვსი პროფესიონალი დიდი ბრიტანეთიდან ერთობლივად მუშაობენ ორ კოლეგასთან საქართველოდან, თურქეთიდან და უკრაინიდან. მონაწილეობენ სასწავლო ვიზიტებში, ეცნობიან ერთმანეთის საქმიანობას უშუალოდ სამუშაო ადგილზე, მონაწილეობენ სექტორის პროფესიულ ღონისძიებებში და პროფესიული განვითარების მიზნით მოწყობილ ტრენინგებში.

პროგრამის მონაწილეები 2019 წელს კონკურსის წესით არიან შერჩეულნი და მუშაობენ საგამომცემლო სექტორის ინტერნაციონალიზაციასა და ინოვაციური მიდგომების დანერგვაზე

საქართველოში პროგრამა ხორცილდება საქართველოს წიგნის გამომცემელთა და გამავრცელებელთა ასოციაციასთან თანამშრომლობით.

საქართველოდან მარიამ ბაკურაძე და ლუკა ლიმერი გრიგოლია უკვე მუშაობენ ბრიტანელ კოლეგებთან. ისინი სასწავლო ვიზიტით ბრიტანეთში 2020 წლის თებერვალში იმყოფებოდნენ. ქართველ მონაწილეებს შესაძლებლობა მიეცათ გაცნობოდნენ სექტორის თავისებურებებს და დაემყარებინათ პროფესიული კავშირები.

პროფესიული განვითარების ფონდი

პროგრამის დასასრულს თითოეულ მონაწილეს პროფესიული განვითარების ფონდი შესთავაზებს შესაძლებლობას გააკეთონ საპროექტო განაცხადი 3 000 ფუნტამდე ოდენობის თანხაზე, რომლის დამტკიცების შემთხვევაში შეეძლებათ გააგრძელონ საერთაშორისო პროფესიული კავშირების განმტკიცება.  

ქართველი მონაწილეები

მარიამ ბაკურაძე (ინტელექტი) - აქვს ჟურნალისტად და პროდიუსერად მუშაობის 20 წლიანი გამოცდილება. მარიამს საკუთარი კარიერის მანძილზე უმუშავია ჟურნალისტად, პროდიუსერად, ვიდეოების, კონტენტის შემქმნელად და სოციალური მედიის მენეჯერად. მას შემუშავებული აქვს ამბის თხრობის სტრატეგიები ქართული ტელევიზიისთვის და რამდენიმე გამომცემლობისთვის. იგი ასწავლიდა, აწყობდა და უძღვებოდა სოციალურ მედია პლატფორმებს, ციფრული ვიდეოების შემნას და სოციალური მედიისთვის სამაუწყებლო მასალის ადაპტირებას. 

ლუკა ლიმერი გრიგოლია(სულაკაურის გამომცემლობა

წარმოადგენს საქართველოში ერთ-ერთ წამყვან საგამომცემლო სახლს, კერძოდ, სულაკაურის გამომცემლობას. მას ამ სფეროში განათლება არ მიუღია, მაგრამ დიდ საგამომცემლო სახლში მუშაობის გამოცდილებამ  შესაძლებლობა მისცა ემუშავა ბევრი კლასიკოსის თუ თანამედროვე ავტორის წიგნებზე, რამდენიმე ახალი ლიტერატურული სტილის ქართულ ბაზარზე მოსახვედრად, უთანამშრომლია არაერთ ადგილობრივ ავტორთან.   მხატვრულ ნამუშევართა სიაში წარმოდგენილია მსოფლიო კლასიკოსები, თანამედროვე კლასიკოსები და ავტორები. მისი ერთადერთი არამხატვრული პროექტი, რომელზეც ახლა მუშაობს არის სერია „Oxford`s Very Short Introduction“.

ძირითადი აქტივობები

2019 წლის ივნისი

2019 წლის სექტემბერი                                

2019 წლის ოქტომბერი                     

2020 წლის თებერვალი

2020 წლის ივნისი

2020 წლის ივლისი                                               

განაცხადების მიღება 

განაცხადების მიღების დასრულება

პროგრამის მონაწილეთა შერჩევა და ინფორმირება

სასწავლო ვიზიტი ბრიტანეთში

სასწავლო ვიზიტი საქართველოში/უკრაინაში

პროფესიული განვითარების საგრანტო კონკურსის გამოცხადება